درِ نبی ﷺ پر جو ہیں جاتے ، ہوتے ہیں بڑی قسمت والے

درِ نبی ﷺ پر جو ہیں جاتے ، ہوتے ہیں بڑی قسمت والے
سر اُن کے قدموں میں جو ہیں جھکاتے ، ہوتے ہیں بڑی قسمت والے
چھوڑ کر محبت سارے جہاں کی دل میں
اُلفت نبیﷺ کی جو ہیں بساتے، ہوتے ہیں بڑی قسمت والے
رکھتے ہیں دل میں ہر لمحہ یاد آقا ﷺکی
لبوں پہ درودہر دم جو ہیں سجاتے ،ہوتے ہیں بڑی قسمت والے
نبیﷺ کی مدحت کرتے ہیں شب و روز
لوگوں کو نعتِ نبی ﷺ جو ہیں سناتے،ہوتے ہیں بڑی قسمت والے
اُن کے نقشِ قدم پہ چل کر
اپنی زندگی کو جو ہیں سجاتے،ہوتے ہیں بڑی قسمت والے
اپنے گھروں کو کاشف سجا سجا کر
میلاد اُن کا جو ہیں مناتے،ہوتے ہیں بڑی قسمت والے