رونق میلے مُک جاندے نیں
Poet: طارق اقبال حاوی By: Tariq Iqbal Haavi, Lahoreرونق میلے مُک جاندے نیں
ساہ جس ویلے رُک جاندے نیں
جیہڑے کہندے جان توں پیارا
لَوڑ پوے تے لک جاندے نیں
بیج کے جے نہ راکھی رَکھیئے
طوطے فصلاں ٹک جاندے نیں
موڈھے چوڑے نہ رَکھ بندیا
پچھلی عُمرے جھک جاندے نیں
لف جا جَھلیا، بچیا رہیں گا
آکڑے کل سبھ ٹھک جاندے نیں
کجھ نہیں ایتھے تیرا میرا
سارے خالی بک جاندے نیں
رشتے حاوی پتراں وَرگے
جھڑ جاندے جد سک جاندے نیں
Rate it: 
Views: 3212
06 Sep, 2021
More Punjabi Poetry
