ز عفرانی غزل ( روح ناصر کاظمی سے معذرت کے ساتھ )

سر چٹخے کا سبب یاد آیا
وہ تری مار تھی‘ اب یاد آیا

گالیاں آپ کے منہ سے سن کر
آپ کا نام و نسب یاد آیا

بھاؤ پوچھا تھا جو کل آٹے کا
سنتے ہی ہم کو تو رب یاد آیا

قرض ہم اس کا چکاتے لیکن
“ جب وہ رخصت ہوا تب یاد آیا “

جیتے جی قرض جو اینٹھا اسنے
قبر مقروض پہ سب یاد آیا

بھوت جیسی تھی جو شکل افسر “
دل دھڑکنے کا سبب یاد آیا ‘

سر میں عاصی کے اٹھی ہیں ٹیسیں
جب ترا غیظ و غضب یاد آیا