سلامِ تہنیت تیرے اس عزمِ سعادت نشان کو

اے کہ تجھ پر یوں ہوئیں فضلِ خدا کی بارشیں
اے کہ تیرے دل نے پائی مصطفی(ﷺ) کی تابشیں
حبذا! محفوظ تیرے سینے میں قرآں ہوا
مرحبا صد مرحبا ! اعزاز ایسا پالیا
اک نشست میں مکمل ختم قرآں کرلیا
اِس ’’ادا ‘‘ پر اِس ’’عطا‘‘ پر صدقے جاؤں مرحبا!
مرحبا صد مرحبا ! مرحبا صد مرحبا!
پیش کرتا ہوں سلامِ تہنیت اے میرے عزیز
تیرے اس اعزاز کو
تیرے اس اکرام کو
مرحبا صد مرحبا ! مرحبا صد مرحبا!
باادب خستہ مُشاہدؔ رب سے کرتا ہے دعا
از طفیلِ مصطفی(ﷺ) صل علیٰ صل علیٰ
بوسہ تیرے قدموں کو خوشیاں سدا دیتی رہیں
دوجہاں کی سرخروئی ، سرفرازی ہو نصیب
والدین و اقربا سے بھی ترے ، غم دور ہو
اور ترے استاذ بھی شاداں رہیں ،فرحاں رہیں
مرحبا صد مرحبا ! مرحبا صد مرحبا!