سلام بحضور شہداء کربلا
Poet: Gulzareen Pasha Zareen By: Gulzareen Pasha Zareen, Kallar Syedanمیرے شہید کربلا تجھ پر میرا سلام
سجدے میں ہی سر دے دیا تجھ پر میرا سلام
تیرے لئے طویل تھے سجدے رسول کے
دوش سوار مصطفیٰ ، تجھ پر میرا سلام
قربان کرکے تو نےعلی اصغر سا پھول بھی
نانا کے دیں کو دے بقا تجھ پر میرا سلام
ہاتھوں میں لے کے تشنہ علی اکبرکی لاش کو
پیکر تھا تو صبر و رضا تجھ پر میرا سلام
پیش نظر بہتر لاشے تھے پھر بھی تو
باطل کے آگے نہ جھکا تجھ پر میرا سلام
شانے کٹا کے پیاری سکینہ کے واسطے
دانتوں میں مشکیزہ لیا تجھ پر میرا سلام
سوار تجھ پہ شببر سکینہ تھی پا بگیر
زہ ادب تو نہ چل سکا تجھ پر میرا سلام
کانوں میں اب تلک تیرے خطبے کی گونج ہے
بنت علی شیر خدا تجھ پر میرا سلام
ہو عابد بیمار پر زریں کا سلام
آل رسول مجتبیٰ تجھ پر میرا سلام
Rate it: 
Views: 402
02 May, 2013
More Religious Poetry
