سچی گل تے اڑنا پیندا
Poet: ابنِ مُنیب By: ابنِ مُنیب, Pakistanسچی گَل تے اَڑنا پیندا
حق لئی سُولی چڑھنا پیندا
بھانبڑ وِچ اینج چھال نہ لگدی
عشق دا دامن پڑھنا پیندا
ہُوکاں چُوں اینج کسَک نہ رِسدی
اندروں اندری سڑنا پیندا
بندیاں نَل کِنج بَیر مکائیے
دَیس دھرم نل لڑنا پیندا
قدرت مُٹھیاں بھر بھر دیندی
شوق دا پیالہ کھڑنا پیندا
ٹُردی نئیں وے راہ مُنیباؔ
آپے اَگّے بڑھنا پیندا
Rate it: 
Views: 3
13 Apr, 2025
More Punjabi Poetry
