سچے سندر پیارے لوگ
Poet: Dr. Khurshid Ahmed Bazmi By: Khurshid Bazmi, Endlandسچے سندر پیارے لوگ
کیا ہوئے وہ سارے لوگ
بستے ہیں اب خوابوں میں
آنکھوں کے وہ تارے لوگ
بستی بستی شہر شہر
پھرتے جوں بنجارے لوگ
مفلسی کے پاٹوں میں
پستے ہیں بیچارے لوگ
نفرتوں کی فصلوں سے
چنتے ہیں انگارے لوگ
بنتے ہیں خود اپنی ہی
لاشوں کے مینارے لوگ
جیت انہیں کیا بھائے گی
دل کو ہوں جو ہارے لوگ
اب ہے قحط انسانوں کا
لوگوں کے ہیں مارے لوگ
سچے سندر پیارے لوگ
کیا ہوئے وہ سارے لوگ
Rate it: 
Views: 1399
27 Nov, 2015
More Urdu Ghazals Poetry
