صاحب انعام

منتظر دید کے خیرالانام ہم بھی ہیں
بیٹھے راہوں میں سرعام ہم بھی ہیں

پوچھے گا اعمال خدا کہہ دیں گے
تیرے محبوب کے غلام ہم بھی ہیں

دکھاؤ ابوجہل ہمیں معوذاور معاذبولے
لئے ہوئے تلواریں بے نیام ہم بھی ہیں

نوازتے ہو آمد سے چاہنے والوں کو
سجاتے محفلیں صبح وشام ہم بھی ہیں

دھل جائیں گے داغ زندگی کے سبھی
کرم برسے مبتلائے آلام ہم بھی ہیں

فرشتو ایک تم ہی نہیں تمہارے ساتھ
پیش کرتے درود وسلام ہم بھی ہیں

آسمانوں پر فرشتے بولے مقتدیوں میں ترے
اے نبیوں کے امام ہم بھی ہیں

سنا کے نعتِ رسول محشر میں صدیقؔ
کہیں گے صاحبِ انعام ہم بھی ہیں