عشق

ہو عالمِ جذب و جنوں یا کیف و مستی و سرور
ہر طرف ہیں اہلِ عشق اور عشق کی داستاں

چرچے ہیں صوفیوں میں بھی ، رندوں میں بھی مشہوریاں
عشق ہی تو ہے ازل سے عالمیِں کا پاسباں

گر عشق ہو تو صحرا بھی ہے عین سمندر
گر عشق نہ تو ریگ زار ہیں دِلوں کی بستیاں

عشق کے امتحاں عجب، اس کے عجب ہیں کارواں
پروازِ عشق جو میں کہوں صبحِ ازل تا لامکان

کوہِ طور پر بھی عشق ، عشق نارِ نمرود میں نہاں
وادیِ کربل میں بھی ہیں عیاں اس کے نشاں

رومی کے رقص میں بھی عشق، عشق جامی کے سوز میں پنہاں
عشق ہی کے دم قدم سے بلال نے دی ہر ازاں

رضویٓ یہ کیا غضب کیا ! رازِ عشق ہی فاش کردیا
ہے عشق کا تو رازداں , ہے عشق تیرا رازداں