ففٹی ففٹی

کرنا ہے اب مل کے گزارہ آدھا آدھا ففٹی ففٹی
یہ ہے ہمارا وہ ہے تمہارا آدھا آدھا ففٹی ففٹی

دیکھوکرپشن میں بےایمانی اچھی بات نہیں ہوتی ہے
بات یہ ہم نے طے کرنی ہےآدھا آدھا ففٹی ففٹی

کیوں لڑتے ہیں آپس میں ہم ملکر کھانے میں برکت ہے
کھائیں گے اب ہم سب مل کرآدھا آدھا ففٹی ففٹی

کتنی مناسب ڈیل ہے یاروچارٹرآف ڈیموکریسی
کچھ ہم کھا لیں کچھ تم کھا لوآدھا آدھا ففٹی ففٹی

سوۓ ہوۓ ہیں سارے محافظ ستو کا کیا خوب اثر ہے
مل کر سارا ملک یہ کھا گۓ آدھا آدھا ففٹی ففٹی

ایک مبارک دینے والے نے یہ کہا تھا اک لیڈر کو
جو بھی ہؤا ہے خوب ہؤا ہے آدھا آدھا ففٹی ففٹی

قوم قمرکیا خوب پھنسی ہے جمہوری چکر میں دیکھو
ہنس بھی رہی ہے رو بھی رہی ہے آدھا آدھا ففٹی ففٹی