ماموں امی کہہ رہی ہیں آج افطار ہمارے ساتھ کرنا

ماموں امی کہہ رہی ہیں آج افطار ہمارے ساتھ کرنا
رمضان کا موقع ہے کچھ دیر ہمارے ساتھ گزارنا
ہاں ماموں یہاں آتے ہوئے تکلف بالکل نہ کرنا
ہم لوگ سب کچھ بنارہے ہیں آپ کچھ بھی نہ لا نا

صرف تین درجن سموسے، چار درجن کیلے ١٢ بوتلیں پیپسی کی لے آنا
حج سے واپسی پر کجھوریں لائیں تھیں وہ بھی لے آنا
امی کہہ رہی ہیں ماموں کی عادت ہے کچھ نہ کچھ ساتھ لے آنا
آج ایسا نہیں کرنا بس آپ صحیح ٹائم پر آجانا

ہاں اپنی بھانجی کی پسند کی مرچیں اور مٹھائی ضرور لانا
مامی مصروف ہیں اور بچوں کا موڈ نہیں، تب آپ ہی اکیلے آجانا
اچھا نہیں اس طرح مامی کو ناراض کردینا
ان کی بنائی ہوئی تھوڑی سی افطاری لے آنا

ماموں تکلف بالکل نہیں کرنا بس آپ آجانا
ہمارے گھر افطاری ہے آپ ضرور آجانا