مثالِ شَمع ھم نے خونِ جگر جلایا

مثالِ شَمع ھم نے خونِ جگر جلایا
نہ خیال میں تُو آیا، نہ دل نے کچھ بھی پایا

دبے دبے جو آتیں، خِرَد کی شوخیاں تَو
شرارِ عشق پھر سے شعلہ بار پایا

کیسا عدل ھے یارب، ہر تازہ خِرمَن کو
ہر بار آسماں سے اِک تازہ شُعلہ آیا

دُھواں دُھواں ہیں کُوچے، ہر وطنِ مُسلِم کے
کیا بجلیوں نے کوئی کافر مُلک نہ پایا؟

ہے زِیرِ آسماں، سجدوں کا اِک جہاں
لیکن مدَد کو کوئی تیرا مَلَک نہ آیا

اب تو دَامنی بھی، نھیں ھم کو ہے جلاتی
شاید کہ اِس خَس میں، کوئی شرر نہ پایا

خورشیدِ مُسلِم ھے، لبِ بام اِس جَہاں میں
نہیں کوئی دَوش ھم پر، گَر اب بھی تُو نہ آیا

ھے تیری جُوئےِ رَحمت، جہاں میں جاری ساری
لیکن میرا تمَرد، نہ مجھ کو رَاس آیا

تیرے کرم کا گرچہ مجھ کو یقیں ابھی ھے
لیکن مِری چشم میں، ابھی نَم نہیں ھے آیا