مدحتِ مصطفیﷺ

آقا ﷺسے جس کو سچاپیار ہوتا ہے
بیڑا اُس کا تو پھر پار ہوتا ہے

مشکل جب بھی زندگی میں کوئی آتی ہے
مشکل کُشااس کا تو پھر سرکار ﷺہوتا ہے

جہاں مل جاتا ہے ہر اک کو بن مانگے
مرے مصطفی ﷺ کا ایسا دربار ہوتا ہے

دنیا کے رنج و غم سے آزاد ہو جاتا ہے وہ
مرے آقاﷺ کے عشق میں جو گرفتار ہوتا ہے

جان و دل رب کو بہت عزیز ہو تا ہے
جو مصطفیﷺ کے قدموں پہ نثار ہوتا ہے

اُنﷺ کا نام لیتے ہی مل جاتی ہے شفا
زمانے میں جو جتنا بھی بیمار ہوتا ہے

ان کی محبت میں وہ پھول لگتے ہیں
زندگی کی راہ میں جو بھی خار ہوتا ہے

دونوں جہاں میں وہ سرخرو ہو تا ہے کاشف
آقاﷺ کی محبت میں جو سر شار ہوتا ہے