مدحت سرورِ کونین

نبیکا ترانہ لب پہ جاری ہوا
چمکے نصیب آخر فضلِ باری ہوا

چومے گی پیشانی کب خاکِ طیبہ
اک اک پل اب تو بھاری ہوا

غلاموں کو کرنے سیرابِ رحمت
لو ابرِ کرم پھر سے طاری ہوا

سخی کوئی ایسا، فلک نے نہ دیکھا
غنی ان کے در سے ہر بھکاری ہوا

زباں کیوں نہ سیکھے ثنا کا قرینہ
عطا جو مجھے عشقِ قاری ہوا

ذکر نبی سے ہی بگڑی بنے گی
نام آپ کا پیامِ غم گساری ہوا

مل جائے مجھ کو بھی پروانہ بخشش
ثاقب سراپا آہ و زاری ہوا