میلہ
Poet: Muhammad Zia Siddiqui By: Hina Siddiqui, IslamAbadپیسے نہ سی لبھدے تے گھروں آئے ساں لڑکے
میلہ اساں ویکھیا سی سائیکلاں تے چڑھ کے
سرکساں دے تنبو ویکھے جوس پیتا ام دا
جیبوں بندہ خالی ھوندا کسے وی نہ کم دا
بڑے شرمندہ ہوئے میلے وچ وڑ کے
میلہ اساں ویکھیا سی سائیکلاں تے چڑھ کے
سکے پکے آئے ساں تے ٹکٹاں کی لینڑیاں
سانوں نہ سی پتا اج جتیاں وی پینڑیاں
جان چھڑائی اوکھی پیر اوہدے پھڑ کے
میلہ اساں ویکھیا سی سائیکلاں تے چڑھ کے
پھردیاں پھرا ندیاں جند ساڈی رہ گئی
بھکیاں گزارنی رات اتوں پے گئی
گھر نہ سی جاندے اسی ابے کولوں ڈر کے
میلہ اساں ویکھیا سی سائیکلاں تے چڑھ کے
Rate it: 
Views: 654
05 Dec, 2008
More Funny Poetry
