میں آں تیری ہیر وے مرزیا
Poet: By: فرحین ناز طارق, Chakwalسوہنی نہ سسی نہ
صاحبہ دی تصویر وے مرزیا
نہ ای شیریں آں فرہاد دی
میں آں تیری ہیر وے مرزیا
نہ کیدو نہ کھیڑے
نہ پنوں دے ویر وے مرزیا
فر وی ملن دی نہیں آس وے مرزیا
میں آں تیری ہیر وے مرزیا
بھانبھڑ بلدے ہجر دے دل وچ
دل وچ لگیا تیر وے مرزیا
دنیا سمجھے مینوں اپنی جاگیر وے مرزیا
میں آں تیری ہیر وے مرزیا
میرے عشق دی نہ بجھدی اگ
تن دے لیرے ہین سلامت
من میرا لیرو لیر وے مرزیا
میں آں تیری ہیر وے مرزیا
صاحبہ رول دتی تیری بھری جوانی
توں کیتی نہ کدی اف وے مرزیا
اے کیہو جیہا عشق وے مرزیا
میں آں تیری ہیر وے مرزیا
کیتی وفا تو جیدھے نال
اسی صاحبہ بھنے تیر وے مرزیا
ایہہ نہیں عشق دی تفصیر وے مرزیا
میں آں تیری ہیر وے مرزیا
اک واری ویکھ لے میرے ول
میں دتی جوانی روڑھ وے مرزیا
تیرے عشق دا پایا تعویذ وے مرزیا
میں آں تیری ہیر وے مرزیا
میں آں تیری ہیر وے مرزیا
حق لئی سُولی چڑھنا پیندا
بھانبڑ وِچ اینج چھال نہ لگدی
عشق دا دامن پڑھنا پیندا
ہُوکاں چُوں اینج کسَک نہ رِسدی
اندروں اندری سڑنا پیندا
بندیاں نَل کِنج بَیر مکائیے
دَیس دھرم نل لڑنا پیندا
قدرت مُٹھیاں بھر بھر دیندی
شوق دا پیالہ کھڑنا پیندا
ٹُردی نئیں وے راہ مُنیباؔ
آپے اَگّے بڑھنا پیندا
ویکھی اندر بار مصیبت
پڑھ چھڑیا اخبار، مصیبت
انا الحق دا بوجھ سی ڈاڈھا
مگروں لاہی دار مصیبت
اک ساہ لَے کے دُوجے دا غم
ایہہ تے ہو گئی تار مصیبت
زخمی کر کے چھڈ دیندی اے
اَبرو دی اَو دھار مصیبت
عشق دی رَسمُوں جان نہ چُھٹدی
لَکھ کرِیئے سنگسار مصیبت
دنیا اگّے دل دی کھولن
ہوندے نے اشعار مصیبت
سائیاں دی گَل سانبھ مُنیباؔ!
ہوندی نئی ہر مار مصیبت
عاشق فیر مول ناں سوندے
قدر سدراں دی جے ہوندی
مل فیر دلاں دے پوندے
راہوں پیار دیاں ہی مل کے
راہوں پیار دیاں وچ روندے
قدر بندے دے پچھانن والے
بندے تھوڑے تھوڑے ہوندے
رب دے دتیاں بندہ رجدا
رب دے ہی در تے کھلوندے
رتاں آنی جانی شئے نیں
بندے بوہے کدی نئیں بھوندے
ویکھ کے یاری لائیں ثاقب
یاریاں وچ بندے کرلاؤندے
