میں شہرِ مدینہ کا سفر مانگ رہی ہُوں
Poet: Aisha Baig Aashi By: Aisha Baig Aashi, karachi~~~~~~~~~~~~~~~~~~~~~~~
نعتِ رسولِ مقبول صلی اللہ علیہ وسلم
~~~~~~~~~~~~~~~~~~~~~~~
میں شہرِ مدینہ کا سفر مانگ رہی ہُوں
سرکار سے سرکار کا در مانگ رہی ہُوں
پہلے بھی کئی بار ملا اذنِ حضوری
پھر باعثِ تسکینِ نطر مانگ رہی ہُوں
بڑھتی ہی چلی جائے شبِ تِیرہ مسلسل
از مہرِ نبی نورِ سحر مانگ رہی ہُوں
لکھنی ہے مجھے نعت شہِ کون و مکاں کی
حسان سے میں نعت ہنر مانگ رہی ہُوں
کہنے کا سلیقہ مجھے آتا ہی نہیں ہے
مختار سے بادیدۂ تر مانگ رہی ہُوں
جس خاک نے چُومے تھے کبھی پائے مبارک
تزئینِ جبیں کو وہ دُرَر مانگ رہی ہُوں
جو پیش کرے سیّدِ لولاک کو عاشی
وہ تابِ سخن رشکِ قمر مانگ رہی ہُوں
Rate it: 
Views: 539
12 Sep, 2012
More Religious Poetry
