نعت رسول مقبول صلی اﷲ علیہ وسلم

درپیش مرحلے کبھی دشوار آ گئے
جائے پناہ حضور کے دربار آ گئے

قسمت سنوارنے کو مدینے کا رخ کیا
دکھ درد سے جو وقت کے بیزار آگئے

گردا ب میں پھنسے جو کبھی مشکلا ت کے
ہر غم بلا کو ٹا لنے غمخوار آ گئے

الله نے خلیل کو اعزاز یہ دیا
اولاد میں جہا نوں کے سر دار آ گئے

آقا کا حسن دیکھ کر یو سف یہ کہہ اٹھے
حسن جمالِ یا ر کے شہکا ر آ گئے

قرآ ن جنکی مدح سرا ئی کا حکم دے
الله کے حبیب وہ دلدا ر آ گئے

محشر میں ڈوبنے کو جہنم میں ناؤ تھی
کرنے مدد شفیع لیئے پتوا ر آ گئے

بھٹکے ہوؤں کو رحم و کرم کی طلب رہی
ہر سانس ، ہر قدم پہ وہ درکار آ گئے

بیمار عشق عا لم نزع میں ہنس پڑا
سا نسیں اکھڑ رہیں تھیں کہ سرکار آ گئے