وقت کٹ تو جاتا ہے راستے نہیں کٹتے

وقت کٹ تو جاتا ہے راستے نہیں کٹتے
سچ ، بغیر ہمدم کے فاصلے نہیں کٹتے
‏
جن کو دل نے چاہا ہو ، وہ جہاں کہیں جائیں
ان عزیز لوگوں سے رابطے نہیں کٹتے
‏
اک کسک تو رہتی ہے دل کے کونے کھدرے میں
بات کاٹ دینے سے معاملے نہیں کٹتے
‏
انگلیاں نہ زخمی کر ، جو ہے تو ، وہی ہے تو
آئینہ کھرچنے سے آئنیے نہیں کٹتے
‏
چوریاں بھی ہوتی ہیں جنگلوں میں پیڑوں کی
سب درخت لوگوں کے سامنے نہیں کٹتے
‏
واقعے تو کٹتے ہیں وقت کی درانتی سے
وقت کی درانتی سے سانحے نہیں کٹتے

بارہا یہ دیکھا ہے اے صدف کہ لوگوں کے
کچھ سنہری پھندے ہیں ، کاٹتے نہیں کٹتے