وہ اِنساں نہیں ہے تَو پھر اور کیا ہے

وہ انساں نہیں ہے تو پھر۔۔۔۔۔ اور کیا ہے
یہ بہتاں نہیں ہے تو پھر۔۔۔۔۔ اور کیا ہے

حماقت عداوت خیانت ۔۔۔۔۔۔۔تمہاری
یہ پہچان نہیں ہے تو پھر۔۔۔۔۔ اور کیا ہے

غریبوں کی عزت کاہاتھوں۔۔ میں تیرے
گریباں نہیں ہے تو پھر۔۔۔۔۔ اور کیا ہے

عقل جس میں رتّی برابر۔۔۔۔۔ نہیں ہے
وہ حیواں نہیں ہے تَو پھر۔۔۔۔ اور کیا ہے

مجھے زندہ رہنے کو روٹی۔۔۔۔۔ تَو دے دو
یہ انساں نہیں ہے تَو پھر۔۔۔۔ اور کیا ہے

لہو پی رہے ہو جہاں سے۔۔۔۔۔۔۔ ہمارا
رگِ جاں نہیں ہے تَو پھر۔۔۔ اور کیا ہے

کرپشن کرپشن کرپشن۔۔۔۔۔۔ کا ظالم
تُو بھگواں نہیں ہے تَو پھر۔۔۔۔ اور کیا ہے

تیرے پیٹ کی آگ بجھتی۔۔۔۔ نہیں ہے
تُو شیطاں نہیں ہے تَو پھر۔۔۔۔ اور کیا ہے

نہ آٹا نہ چینی نہ بجلی۔۔۔۔۔۔۔۔۔ نہ پانی
یہ بحراں نہیں ہے تَو پھر۔۔۔۔ اور کیا ہے

یاں پٹرول پٹرول کی ہے۔۔۔۔۔۔ دہائی
یہ طوفاں نہیں ہے تَو پھر۔۔۔۔ اور کیا ہے

جو ہو جائے سستا تَو مہنگا ۔۔۔۔۔۔بکے ہے
یہ تاواں نہیں ہے تَو پھر۔۔۔۔۔ اور کیا ہے

یہ پاگل ہیں بجلی کے جھٹکے۔۔۔۔۔ دو اِن کو
یہ فرماں نہیں ہے تَو پھر۔۔۔۔۔ اور کیا ہے

وہ ہم سب کو مارے گا قسطوں۔۔ میں یارو
یہ اِمکاں نہیں ہے تَو پھر۔۔۔۔ اور کیا ہے

ہیں مکتب پہ چھاپے سکولوں۔۔۔ پہ بندش
تُو ظلماں نہیں ہے تَو پھر۔۔۔۔ اور کیا ہے

خموشی سےہر ظلم جو سہہ۔۔۔۔۔۔ رہا ہے
وہ بے جاں نہیں ہے تَو پھر۔۔۔ اور کیا ہے

ذرا اپنی آنکھوں سے دنیا ۔۔۔۔۔کو دیکھو
یہ حیراں نہیں ہے تَو پھر۔۔۔۔ اور کیا ہے

محافظ ہیں تیرے ہزاروں ۔۔۔۔۔سپاہی
تُو ذیشاں نہیں ہے تَو پھر ۔۔۔۔اور کیا ہے

ہے یہ قوم ساری اَداؤں۔۔۔ ۔پہ تیری
جو قرباں نہیں ہے تَو پھر۔۔۔۔ اور کیا ہے

یہاں رہنے والا ہوس۔۔۔۔۔ پہ تمہاری
جو قرباں نہیں ہے تَو پھر۔۔۔ اورکیا ہے

ہے چہرے پہ اُس کے جو لالی۔۔۔ تَو چہرہ
گلستاں نہیں ہے تَو پھر۔۔۔۔۔ اور کیا ہے

جبیں پہ تَواُس کی چمک ۔۔۔۔دیکھو یارو
وہ تاباں نہیں ہے تَو پھر۔۔۔۔ اور کیا ہے

ُلٹیروں کو گھر میں جو آئی۔۔۔۔ ہوئی ہے
بہاراں نہیں ہے تو پھر۔۔۔۔ اور کیا ہے

وزیروں مشیروں کے گھر میں بھی دیکھو
چراغاں نہیں ہے تَو پھر۔۔۔ اور کیا ہے

جو تم سانس لیتے ہو تازہ۔۔۔۔۔ ہوا میں
یہ احساں نہیں ہے تَو پھر۔۔۔ اور کیا ہے

جو زندہ ہو اب تک تَو حاکم۔۔۔۔ تمہارا
مہرباں نہیں ہے تَو پھر۔۔۔۔ اور کیا ہے

وہ عمرے پہ عمرے کیا جا۔۔۔۔ رہا ہے
مسلماں نہیں ہے تَو پھر۔۔۔ اور کیا ہے

جو ماریں گے تم کو تَو ُلوٹیں گے کس کو
یہ بہتاں نہیں ہے تَو پھر۔۔ اور کیا ہے

نمک جو چھڑکتا ہے زخموں پہ میرے
نمکداں نہیں ہے تَو پھر۔۔ اور کیا ہے

میں کیسے بتاؤں جہنّم ۔۔۔۔کا تیرے
یہ ساماں نہیں ہے تَو پھر۔۔ اور کیا ہے

جہنّم میں جا کے ہمیشہ۔۔۔ رہیں گے
یہ ارماں نہیں ہے تَو پھر ۔۔اور کیا ہے

ہمیں ہے ابھی تک خدا پہ۔۔ بھروسہ
یہ ایماں نہیں ہے تَو پھر۔۔ اور کیا ہے

اے آقا اے مولا اگر تُو۔۔۔۔ ہمارا
نگہباں نہیں ہے تَو پھر۔۔ اور کیا ہے

اب کرنا ہے کس نے دُکھوں کا مداوا
تُو درماں نہیں ہے تَو پھر۔۔ اور کیا ہے

اُٹھو ڈوبتی سلطنت ۔۔۔۔۔۔کو بچاؤ
تُو سلطاں نہیں ہے تَو پھر۔ اور کیا ہے

تیرے حق میں ووٹوں کو ڈلوانے والا
پشیماں نہیں ہے تَو پھر۔۔ اور کیا ہے

ہمیں کیسے لُوٹے اِسی سوچ ۔میں اب
تُو غلطاں نہیں ہے تَو پھر۔ اور کیا ہے

ہر اِک شخص عہدِ مبارک میں تیرے
پریشاں نہیں ہے تَو پھر۔۔ اور کیا ہے

ہر اِک شہر دشمن کے ہاتھوں۔۔ ہمارا
مناواں نہیں ہے تِو پھر۔۔ اور کیا ہے

حکومت میں تیری رعایا۔۔۔ بیچاری
ہراساں نہیں ہے تَو پھر۔۔ اور کیا ہے

دیکھو تَو دشمن کے چہروں ۔۔۔کو یارو
یہ مسکاں نہیں ہے تَو پھر۔ اور کیا ہے

جہاں زندہ رہنے کا ساماں۔۔۔ نہ ہو تَو
بیاباں نہیں ہے تَو پھر۔۔۔ اور کیا ہے

جہاں بولنے کی اِجازت ۔۔نہیں ہے
وہ زنداں نہیں ہے تو پھر۔ اور کیا ہے

کئے جا رہا ہے جو غیرت۔۔۔ کا سودا
وہ ناداں نہیں ہے تو پھر۔۔ اور کیا ہے

سیاست سے چمکی ہے اُن کی تجارت
یہ نقصاں نہیں ہے تو پھر۔ اور کیا ہے

خدا بن کے بیٹھےہوئےہو ۔سروں پر
تُوشیطاں نہیں ہے تَو پھر۔ اور کیا ہے

ہیں چند روز تیری حکومت۔ کے باقی
تُو مہماں نہیں ہے تَو پھر۔۔ اور کیا ہے

کوئی دوسرا بھی ہے لوگوں ۔کے پیچھے
یہ خلجاں نہیں ہے تَو پھر۔۔ اور کیا ہے