چنگ چی رکشہ

گڈیاں تے موٹراں دے خرچے نوں بھل جاؤ
بھتا تنگ نہ بیٹھو تھوڑا تھوڑا کھل جاؤ

چھیتی جنے جانا باؤ چنگ چی تے بہہ جاؤ
دس والا نو ٹ لانگا بھانویں جتھے لے جاؤ

دھوڑ دھپا ٹھنٹیان ہواوان تو نھیں ڈرنا
جمپ شمپ لگے بھتا شور بھی نہیں کرنا

گڈی میری تگڑی اے ٹٹا ہویا روڈ اے
موٹیاں سواریاں دا تھوڑا جیا لوڈ اے

اٹھویں سواری نو میں کدی وی نہیں چکدا
اشارہ بھانویں بند ہو وے میں نہیں جے رکدا

جنی تنگ گلی ہوے اتھے وڑ جا واں گے
پیسے جے بڑھاندے ہو تے سیڑھی چڑھ جاواں گے

ہیراپھیری نال میرا ہو جانا چالان اے
فکر نہ کرو بھا جی ہر تھا ں دھیان اے

بندہ مزدور ہاں تے ایہو دو رکشے
ابے نے بنائے سن اللہ انہوں بخشے