چپ چاپ سلگتا ہے دیا تم بھی تو دیکھو
Poet: بشر نواز By: Sohaim, Peshawarچپ چاپ سلگتا ہے دیا تم بھی تو دیکھو
کس درد کو کہتے ہیں وفا تم بھی تو دیکھو
مہتاب بکف رات کسے ڈھونڈ رہی ہے
کچھ دور چلو آؤ ذرا تم بھی تو دیکھو
کس طرح کناروں کو ہے سینے سے لگائے
ٹھہرے ہوئے پانی کی ادا تم بھی تو دیکھو
یادوں کے سمن زار سے آئی ہوئی خوشبو
دامن میں چھپا لائی ہے کیا تم بھی تو دیکھو
کچھ رات گئے روز جو آتی ہے فضا سے
ہر دل میں ہے اک زخم چھپا تم بھی تو دیکھو
ہر ہنستے ہوئے پھول سے رشتہ ہے خزاں کا
ہر دل میں ہے اک زخم چھپا تم بھی تو دیکھو
کیوں آنے لگیں سانس میں گہرائیاں سوچو
کیوں ٹوٹ چلے بند قبا تم بھی تو دیکھو
Rate it: 
Views: 496
24 Jun, 2021
More Bashar Nawaz Poetry
