کریم رب سے طلب رحم اور فضل کرنا

کریم رب سے طلب رحم اور فضل کرنا
کبھی نہ بھول کے اس سے طلب عدل کرنا

جہاد نفس کے، شیطان کے خلاف کرو
بس اپنے نفس کی خواہش کو ہی قتل کرنا

کبھی نہ پیروی کرنا عذاب والوں کی
تجات والوں کی لللہ بس نقل کرنا

بلاؤ لوگوں کو رحمت، تجات دیں کی طرف
خیال رکھنا کہ راہیں مگر سہل رکھنا

وہ بخش دیگا اگر آگیا پسند اُسے
جو رب کو بھائے ہمیشہ وہی عمل کرنا

جزاء وہ دیتا ہے سوچوں سے ماوراء لوگوں
جو اسکی راہ میں لٹاؤ تو مت بخل کرنا

کبھی حرص نہیں کرنا یاں مال و دنیا کی
ہمیشہ رب کی رضاء کا خیال ہی کرنا

ہنسی مذاق بھی اچھا ہے پر خیال رہے
کسی کا دل نہ دکھے ایسا ہی شغل کرنا

خدا کے حکم کی تعمیل میں تجات و فلاح
یہی وہ کام ہے جس میں اشہر پہل کرنا