کفراںِ آزادی ۔۔۔ (آزاد نظم)

کس لئے کرتے ہو
حقیقت سے آنکھ بند
دِکھتا نہیں آنکھوں سے
یا
پڑھنا نہیں آتا
آزادی کا مطلب نہ ہی غلامی کا ۔۔۔ پتا
غلامی جو پتا لگی
لگ جائے گا ۔۔۔ پتا
کیا شے ہے آزادی
تاریخ کے اوراق میں ۔۔۔ ملے گی غلامی
کسی اور کی نہیں اگر
اپنی اٹھا کے دیکھ
ماضی سے گر نفرت ہے تو
کچھ حال ہی سے سیکھ
حالات ہی سے سیکھ
مفاد سے آگے ذرا
نظریں اٹھا کے دیکھ
محکومی میں گھرے ہوئے ۔۔۔ لوگوں کو ذرا دیکھ
جو قوم نہ رہے
منتشر ہوئے
غلام ہو گئے
اپنے تجربے سے ۔۔۔ نہیں یہ سیکھنے کی چیز
مشاہدے سے سیکھ
مطالعے سے سیکھ
اور مرتکب نہ ہو
اجتماعی جرم ہے
کفرانِ آزادی ۔۔۔ !