کلام شاکر شجاع آبادی

خدایا خود حفاظت کر تیڈا فرمان وکدا پئے
کتھائیں ہے دین دا سودا، کتھائیں ایمان وکدا پئے

کتھائیں ملاں دی ہٹی تے، کتھائیں پیراں دے شوکیس اچ
میڈا ایمان، بدلیا نی ، مگر قران وکدا پئے

اتھاں لیڈر وپاری ہن ، سیاست کارخانہ ہے
اتھاں ممبر وکائو مال ءن اتھاں ایوان وکدا پئے

میڈے ملک ءچ خدا ڈالر، میڈے ملک اچ نبی پیسہ
اتھا ایمل نہ کئی آوے ، اتھاں مہمان وکدا پئے

نی ساہ دا کئی وساہ شاکر ، ولا وی کیوں خدا جانڑے
ترقی دی حوس وچ، ہر ہک انسان وکدا پئے