کچی نوکری دا حال

آئے نے پیراہونے سدو چاچیاں تے تایاں نوں
ست بسم اللہ نالے جی گھر آیا نوں
پنکھا بھی چلاو تے جلا دے او نتیاں
کڑئیے تو چھیتی لے کے آ جا دودھ پتیاں
بڑا صاف ستھرا ما حول ساڈے گھر دا
بھینڑ جی اے دسو تہاڈا منڈا کی جے کردا

پڑھا لکھا بڑا ای زہین ساڈا بچہ اے
بڑی پکی نوخری اچ ایہ اجے کچا اے
اللہ کرے خیر چھیتی پکا ہو جاوے گا
فر انہوں وکھرے مکان مل جاوے گا
تے وکھو وکھ رہن دا تے ینج وی رواج اے
پہلے تین بچیاں دا مفت علاج اے
پکت ہونڑ نال پرموشن بھی ہوے گی
فکر نہ کرو تہاڈی بچی سکھی رہوے گی

گل کرو اج دی کی پتا ہوندا کل دا
لارے لپے یتے کدی کم نہیںم جے چل دا
کچے بندے دیاں سب گلاں ہیں نے کچیاں
نازاں نال پلیں نی میریاں اے بچیاں
کوئی اعتبار نہیں بی با کچے چن دا
سچی گل اے بہینڑ جی دل نہیں جے من دا
پنکھا کرو بند تے بجھا دےاو بتیاں
ایویں ضائع کیتی آں نے اج دودھ پتیاں