ہمارا کیا ہے

تمہاری پیار بھری ڈانٹوں سے دل بہلا لیں گے ہمارا کیا ہے
کھانےکو کچھ نہ ملا تو خیالی پلاؤ کھا لیں گے ہمارا کیا ہے

زندگی بھر دال کے سوا اور کچھ کھلایا نہیں تم نے
ہم آج چٹنی سے کام چلا لیں گے ہمارا کیا ہے

ہمارا تو آج چپل کباب کھانے کو جی چاہتا ہے
تمہیں کباب میں ہڈی بنا لیں گے ہمارا کیا ہے

میرے کانوں کے سوا تم نے کبھی کچھ نہیں کھایا
آج ہم تمہارا بیجا کھا لیں گے ہمارا کیا ہے

لگتا ہے آج کوے کی ہڈی کھائی ہے تم نے
ہم کانوں میں انگلیاں ٹھونس لیں گے ہمارا کیا ہے