ہم اس تمیز کے ساتھ اس کے پاس بیٹھتے ہیں

Poet: امولیہ By: امولیہ, Hyderabad

ہم اس تمیز کے ساتھ اس کے پاس بیٹھتے ہیں
کہ جیسے شاہ کے قدموں میں داس بیٹھتے ہیں

بس ایک تو ہے جسے دوست بولتا ہوں میں
وگرنہ ساتھ میں ایسے پچاس بیٹھتے ہیں

میں اس لئے بھی کبھی کھل کے ہنس نہیں پاتا
اداس لوگ مرے آس پاس بیٹھتے ہیں

بٹھاتے وقت مجھے دل میں یہ کہا اس نے
یہ وہ جگہ ہیں جہاں لوگ خاص بیٹھتے ہیں

Rate it:
Views: 0
17 Nov, 2026
More Amulya Mishra Poetry