موت بھی سامنے آ جائے تو اڑ سکتا ہوں

Poet: امولیہ By: امولیہ, Delhi

موت بھی سامنے آ جائے تو اڑ سکتا ہوں
اتنا اچھا ہوں کہ اب صرف بگڑ سکتا ہوں

میں وہ بستی ہوں جو بستی ہے اجڑنے کے لیے
مجھ کو عادت ہے اجڑنے کی اجڑ سکتا ہوں

تم سے پہلے بھی کئی چھوڑ چکے ہے مجھ کو
تم سے پہلے بھی میں بچھڑا ہوں بچھڑ سکتا ہوں

کون کرتا ہے یہاں جنگ نتیجے کے لئے
جیت کر ہارنے والے سے جھگڑ سکتا ہوں

دوڑ میں جتنے بھی لڑکے ہیں وہ جوتے میں ہیں
میں بنا پاؤں ہوں ممکن ہے پچھڑ سکتا ہوں

میں تمہیں چاند ستارے تو نہی دے سکتا
تنگ لمحوں میں مگر ہاتھ پکڑ سکتا ہوں
 

Rate it:
Views: 0
17 Nov, 2026
More Amulya Mishra Poetry