یارسولِ ذوالمنن ﷺ

پھر سے دیکھیں ہم مدینہ یارسولِ ذوالمنن
عرض ہے باصد قرینہ یارسولِ ذوالمنن

سب خیالاتِ غلط ہوں دور ہم سے یاخدا!
سینہ بن جائے مدینہ یارسولِ ذوالمنن

پار کردیجے خدارا ، ناخداے بے کساں
کہ بھنور میں ہے سفینہ یارسولِ ذوالمنن

دربدر ہیں خوار آقا نام لیوا آپ کے
ہم پہ برسادیں سکینہ یارسولِ ذوالمنن

میں سراپا غرقِ عصیاں ہو ، کرم فرمائیے
ہو بھلا مجھ سا کمینہ ، یارسولِ ذوالمنن

ہو بقیعِ پاک میں آقا مجھے مدفن عطا
عرض ہے باصد قرینہ یارسولِ ذوالمنن

پھر سے طوفِ کعبہ کردیجے مُشاہدؔ کو نصیب
دیکھوں میں نوری خزینہ یارسولِ ذوالمنن