"رحمتوں"

 تیری قربتوں کے سائے میں نے خلوتوں میں دیکھے
مجھے آکر وہیں پر تھاما جہاں قدم تھے میرے بہکے

مصیبتوں سے ملی مجھ کو تیری رحمتوں کی بارش
ورنہ بہا کر لے جاتے مجھ کو میرے گناہوں کے ریلے

اب برائیوں پر چلنے کی مجھ میں نہیں سکت ھے
محسوس ہوتے ہیں جب سے تیری نگرانی کے پہرے

دنیا نے اپنی محبتوں کے انگنت چڑھائے رنگ ہیں
کاش کہ تیری محبت کے رنگ ھو جائیں ان سے گہرے

اپنے سجدوں کی مجھے توفیق اس طرح عطا کر
میرے سجدوں کے چارسوء ہوں تیری رحمتوں کے گھیرے