آپ نبی پیارے پیارے

دونوں جہاں کے ملجا و ماوا ، آپ نبی پیارے پیارے
آپ کو رنج و بلا میں پکارا ، آپ نبی پیارے پیارے

آپ کا شہر ہے سب سے پیارا ، آپ کا روضہ سب سے نیارا
ہم عشّاق کے قبلہ و کعبہ ، آپ نبی پیارے پیارے

کنکریوں کو کلمہ پڑھایا ، ڈوبے سورج کو لوٹایا
بے شک معجزۂ سرتاپا ، آپ نبی پیارے پیارے

جس کو ملا ہے جو بھی ملا ہے ، بے شک آپ کے در سے ملا ہے
رب کی عطا سے آپ نے بانٹا ، آپ نبی پیارے پیارے

اُن کے کلام سے ہم نے جانا ، حُسنِ رسولِ پاک مُشاہدؔ
ہم کو رضا نے ہے سمجھایا ، ’’آپ نبی پیارے پیارے‘‘