“ سازشی عناصر “

ملک میں سازشی عناصر نے
اپنے اسلاف سے بغاوت کی
اپنے اجداد سے رقابت کی
دشمنوں پر بڑی نوازش کی
اور اپنوں کے ساتھ سازش کی
ان کی باتوں سے ہوشیار رہو
یہ ہمارے وطن کے دشمن ہیں
ان کی راہیں ، جدا جدا ہم سے
یہ کہ واقف نہیں ، کسی غم سے
ان کے مکروہ ، ہر ارادے میں
سازشوں کا سراغ پائو گے
ملک برباد کرنے والوں سے
کوئی سمجھوتہ ہو نہیں سکتا
ان کے چہروں کی بدنمائی کو
آب زم زم بھی دھو نہیں سکتا
آج مل کر یہ عہد کرنا ہے
اس وطن کے لئے ہی جینا ہے
اس وطم کے لئے ہی مرنا ہے

دعا:۔ خدا کرے ٢٠١٣ کے ڈوبتے سورج کی کرنیں
اس دھرتی کے رہنے والوں کی ساری پریشانیاں،
سارے دکھ اپنے ساتھ لے جائیں اور ٢٠١٤ کا سورج
امن و اماں اور ملک میں معاشی ترقی لے کر آئے۔
آمین!