شبِ غم کا اثر دل سے مناتی ہے تری خوشبو

 شبِ غم کا اثر دل سے مناتی ہے تری خوشبو
فسانے صبح تازہ کے سناتی ہے تری خوشبو

گھٹاؤں کی زبانی تیرے پیغامات ملتے ہیں
نسیمِ صبح گاہی لے کے آتی ہے تری خوشبو

گلابِ بے خزا ں ! تو گرچہ نظروں سے ہے پوشیدہ
مگر ہر دم تری صورت دکھاتی ہے تری خوشبو

بھٹک جائے مسافر جب کوئی ،تو خضرِ راہ بن کر
قریب منزلِ مقصود لاتی ہے تری خوشبو

زے قسمت کہ نزدیک رگ جاں ہے تری ہستی
مری ہر سانس کے ہمراہ آتی ہے تری خوشبو

وشمہِ زار کا جب حبس گم سے سانس رکتا ہے
اچانک صحن دل میں مسکراتی ہے تری خوشبو