مناجات

الٰہی کسے جا کے دکھڑا سنائیں
بڑی عاجزی سے تجھی کو منائیں

یہ دنیا بڑی آزمائش کی جا ہے
بڑے ہی جتن سے تو ا س سے بچا ہے

تجھی پر نظر ہو پڑے جب مصیبت
تو ہی چاہے مولی ملے سب کو عزت

جو ہوں مشکلیں وہ تو آسان کردے
ہمارے ہی اوپر تو احسان کردے

کوئی بھی جہاں میں نہیں ہے ہمارا
تیری ذات ہی کا ہے ہم کو سہارا

کبھی نہ کسی کا تو محتاج ہی کر
ہمیں اپنے در سے تووابستہ بھی کر

الٰہی عطا کر تو اپنی محبت
کسی غیر کی نہ رہے کوئی چاہت

جو ہو راہ سیدھی دکھادے تو مولی
تو راہوں سے ٹیڑھی بچا لے تو مولی

دلوں میں ہو نفرت گناہوں سے یارب
تو نیکی کی رغبت دلا میرے یارب

کرم کر دے اپنا تو ہم پر ہی مولی
نہ محروم ہو فضل سے کوئی مولی