نہیں ہے قابل کوئی بشر بھی

 نہیں ہے قابل کوئی بشر بھی
کہ ذکرِسیدالانبیاء کرئے
یہ سب رب کا کرم ہے دیکھو
کہ جس سےچاہے ذکر کرائے

نہیں ہے قابل کوئی بشر بھی
کہ بلندیِ مصطفٰی کو پہنچے
یہ سب رب کا کرم ہے دیکھو
کہ جس کو چاہے بلند کر دے

نہیں ہے قابل کوئی بشر بھی
کہ عرشِ بریں کو جا پہنچے
یہ سب رب کا کرم ہے دیکھو
کہ جس کو چاہے معراج کرائے

نہیں ہے قابل کوئی بشر بھی
کہ بشریت میں نورانیت کو پہنچے
یہ سب رب کا کرم ہے دیکھو
کہ جس کو چاہے نور کر دے

نہیں ہے قابل کوئی بشر بھی
کہ اٹھا سکےجو قرآں کا ذمّہ
یہ سب رب کا کرم ہے دیکھو
کہ جس پہ چاہے نُزُول کر دے

نہیں ہے قابل کوئی بشر بھی
کہ محبت میں اِس مقام کو پہنچے
یہ سب رب کا کرم ہے دیکھو
کہ جس کو چاہے محبوب کر دے

نہیں ہے قابل کوئی بشر بھی
کہ حدودِلا مکاں کو پہنچے
یہ سب رب کا کرم ہے دیکھو
کہ جس کو چاہے پار کر دے

نہیں ہے قابل کوئی بشر بھی
کہ ساتھ محمدِمجتبٰی کے چلتا
یہ سب رب کا کرم ہے دیکھو
کہ جس کو چاہے بُو بکر کر دے

نہیں ہے قابل کوئی بشر بھی
کہ غلامیِ محمدی میں آئے
یہ سب رب کا کرم ہے دیکھو
کہ جس کو چاہے بلال کر دے

نہیں ہے قابل کوئی بشر بھی
کہ دور رہ کے بھی قریب تر ہو
یہ سب رب کا کرم ہے دیکھو
کہ جس کو چاہے اویس کر دے

نہیں ہے قابل کوئی بشر بھی
کہ ترستاہو جس کے لب کو پانی
یہ سب رب کا کرم ہے دیکھو
کہ جس کو چاہے حُسین کر دے