Ab To Mun Se Bol Mujh Ko Dekh Din Bhar Ho Gaya
Poet: Qamar Jalalvi
اب تو منہ سے بول مجھ کو دیکھ دن بھر ہو گیا
اے بت خاموش کیا سچ مچ کا پتھر ہو گیا
اب تو چپ ہو باغ میں نالوں سے محشر ہو گیا
یہ بھی اے بلبل کوئی صیاد کا گھر ہو گیا
التماس قتل پر کہتے ہو فرصت ہی نہیں
اب تمہیں اتنا غرور اللہ اکبر ہو گیا
محفل دشمن میں جو گزری وہ میرے دل سے پوچھ
ہر اشارہ جنبش ابرو کا خنجر ہو گیا
آشیانے کا بتائیں کیا پتہ خانہ بدوش
چار تنکے رکھ لئے جس شاخ پر گھر ہو گیا
حرص تو دیکھو فلک بھی مجھ پہ کرتا ہے ستم
کوئی پوچھے تو بھی کیا ان کے برابر ہو گیا
سوختہ دل میں نہ ملتا تیر کو خوں اے قمرؔ
یہ بھی کچھ مہماں کی قسمت سے میسر ہو گیا
Ab To Mun Se Bol Mujh Ko Dekh Din Bhar Ho Gaya Poetry - Urdu poetry is filled with so many emotions and insights. Just like this couplet of Qamar Jalalvi poetry in which says Ab To Mun Se Bol Mujh Ko Dekh Din Bhar Ho Gaya. You will find 2 lines and ghazals in image & text form on Qamar Jalalvi shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.