Abhi To Kerna Pare Ga Safer Dobara Mujhe

Abhi To Kerna Pare Ga Safer Dobara Mujhe
Abhi Kare Nahin Aram Ka Ishara Mujhe

Lahu Me Ayega Tufaan-E-Tund Raat-Ba-Raat
Karegi Mauj-E-Balaa-Khaizz Paara-Paara Mujhe

Bujha Nahin Mere Andar Ka Aaftaab Abhi
Jalaa Ke Khaak Kare Ga Yahi Sharaara Mujhe

Utaaar Phenktaa Main Bhi Yeh Taar-Taar Badan
Aseer-E-Khaak Hoon Karna Parra Guzaara Mujhe

Urre Woh Gard Ke Main Chaar-Suu Bikhar Jaaun
Ghubaar Me Nazar Aaye Na Koi Chaara Mujhe

Meri Hudood Me Hai Mere Aas Paas Ki Dhund
Rahaa Yeh Sheher To Is Ka Nahin Ijaara Mujhe

Seher Huyi To Bohat Dair Tak Dikhaayi Diyaa
Ghuroob Hotii Huyi Raat Ka Kinaara Mujhe

Meri Fazaa Me Hai Tarteeb Kaainaat Kuch Aur
Ajab Nahin Jo Tera Chaand Hai Sitaara Mujhe

Na Chhuu Sakun Jise Kya Us Ka Dekhna Bhi “Zafar”
Bhalaa Laga Na Kabhi Duur Ka Nazaara Mujhe