Adhuri Dua (Na'at Sharif)

Madinay Ki Thandi Hawa Mangta Hoon
Adhuri Rahi Jo Dua Mangta Hoon

Karoon Ga Dar-e-Mustafa Per Duain
Khuda Buksh Dalay Ga Meri Khatain

Main Qadmon Main Aaqa Panaah Mangta Hoon
Adhoori Rahi Jo Dua.........

Meray Durd-O Gham Ho Gaye Hain Puranay
Uthatay Sittam Ho Gaye Hain Zamanay

Main Thora Sa Ubb Aasra Mangta Hoon
Adhoori Rahi Jo Dua.........

Gunahon Say Bhojal Hua Hay Yeh Jeevan
Badha Dijiye Apni Rehmat Ka Daman

Karam Ki Huzoor Inteha Mangta Hoon
Adhoori Rahi Jo Dua.........

Mujhay Lay Chalo Sham Ki Aiy Hawa-o
Woh Rauzay Ki Jhilmil Nazar Ko Dikha-o
Mera Haal-E Dil Bhi Nabi Ko Suna-o

Nabi Say Raza-ey Khuda Mangta Hoon
Adhoori Rahi Jo Dua.........