Allah Sohna
دھمی ویلے اللہ سوہݨا تلے لتھا ودے
دھمی دھمی پہلے پہلے کال کڑیچھی جاگی
دھمی دھمی پہلے پہلے کال کڑیچھی بولی
اللہ سوہݨا ایویں سوہݨا جیویں سوہݨی بوہڑ
اللہ سوہݨا ایویں مٹھا جیویں تھݪ دی بیر
دھمی دھمی پہلے پہلے کالا تتر جاگا
دھمی دھمی پہلے پہلے کالا تتر بولا
کیڈی سوہݨی ٹالھی اوندی کیڈی سوہݨی جال
سب اللہ دا مال وے سائیاں سب اللہ دا مال
دھمی دھمی پہلے پہلے یکے چڑیاں جاگے
دھمی دھمی پہلے پہلے یکے چڑیاں بولے
ساڈی چوگ دا وارث اللہ اللہ چوگ دا وارث
اللہ چوگ دا وارث ساڈی چوگ دا وارث اللہ
دھمی دھمی پہلے پہلے جاگے اللہ والے
دھمی دھمی پہلے پہلے بولے اللہ والے
چھیڑ فقیرا چھیڑ فقیرا سر جیوݨ دے چھیڑ
اپݨی آپ نبیڑ فقیرا اپݨی آپ نبیڑ
دھمی دھمی کوئل جاگی کوئل ماری کوک
دھمی دھمی ککڑ جاگا ککڑ ڈتی بانگ
دھمی دھمی پہلے پہلے اکھ کھولی ہے پھولاں
بعد اچ جاگے کھوہ دے ڈیڈر بعد اچ جاگے ملاں
Allah Sohna Poetry - Urdu poetry is filled with so many emotions and insights. Just like this couplet of Saraiki poetry in which says Allah Sohna. You will find 2 lines and ghazals in image & text form on Saraiki shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.