Apnay Daman Mein Mujhay Len Chupa YA SHAH-E-UMAM(S.A.W.W)

Apnay Daman Mein Mujhay Len Chupaa Ya Shah-E-Umam(SAWW)
Dill Jaha'n Say Hy Giya Uktaa Ya Shah-E-Umam(SAWW)

Apnay Qadmo'n Ki Janat Ho Anayet Mujh Pay
Mukadir Mera Bhi Den Sajaa Ya Shah-E-Umam(SAWW)

Teri Zaat(SAWW) Rehmat-E-Bekara'n Aye Rehmat-E-Do Jaha'n(SAWW)
Abar-E-Rhmat Mujh Pay Den Barsaa Ya Shah-E-Umam(SAWW)

Be-Bassi Had Say Bharrhi Dill Ghamo'n Say Hy Fana
Meray Dard Ki Ab Ho Dawaa Ya Shah-E-Umam(SAWW)

Dast Khali Mera Daman Ghunahun Say Hy Tar
Ya Shafee(SAWW) Ya Mujtaba(SAWW) Mujhay Lena Bacha Ya Shah-E-Umam(SAWW)

Hassnain(RA) Say Teri(SAWW) Ulfaten Hain Rab Say Teri(SAWW) Rafakaten
In Sab Ka Sadka Mujhay Ho Ataa Ya Shah-E-Umam(SAWW)

Teray Naam(SAWW) Ka Jo Dala Giya Nahi Talaa Kabhi Woh Wasta
Rakhna Mera Bharam Behar-E-Khuda Ya Shah-E-Umam(SAWW)

Meri Soch Ajiz-O-Nadaa'n Meri Zaat Kamzor-O-Natawa'n
Kaha'n Kar Sako'n Main Teri(SAWW) Sanaa Ya Shah-E-Umam(SAWW)

Ya Syedi Khair-Ul-Bashar(SAWW) Ya Shafi-E-Rozz-E-Jaza(SAWW)
Mehsher Mein Sun'na Meri Iltjaa Ya Shah-E-Umam(SAWW)

Meri Laaj Teray(SAWW) Haath Mein Mujhay Teray(SAWW) Dar Ki Aas Hy
Me Teray(SAWW) Dar Ki Hun Gadaa Ya Shah-E-Umam(SAWW)

Gard-E-Kocha-E-Tayyba Pay Ho Nisaar Amber
Karay Tujh(SAWW) Pay Jaa'n Bhi Fidaa Ya Shah-E-Umam(SAWW)
(Ameen)