Awal Hamd Sana Elahi Te Jo Malik Har Har Da
Poet: میاں محمد بخش
اول حمد ثنا الہی تے جو مالک ہر ہردا
اس دا نام چتارن والا کسے میدان نہ ہردا
اوہ محبوب حبیب ربانا تے حامی روز حشر دا
آپ یتیم یتیماں تائی تے ہتھ سرے پر تھردا
آپ مکانوں خالی اس تھیں کوئی مکان نہ خالی
ہر ویلے ہر چیز محمّد رکھ دا نت سنبھالی
پاک کریم امت دا والی تے مہر شفاعت کردا
جبرائیل جہے جس چاکر تے نبیاں دا سر کردا
موسیٰ خضر نقیب انہاں دے تے اگے پجھن راہی
اوہ سلطان محمّد والی تے مرسل ہور سپاہی
حسن بازار اوہدے سو یوسف پردے ہون وکاندے
ذوالقرنین سلیماں جیسے خدمتگار کہاندے
جیون جیون جھوٹا ناواں موت کھلی سر اتے
لکھ کروڑ تیرے تھیں سوہنے خاک اندر رل ستے
بن آئی جند نکلے ناہیں تے کوئی جہان نا چلدا
ڈاہڈے دے ہتھ قلم محمّد وس نہیوں کجھ چلدا
لوئے لوئے بھر لے کُڑِیے جے ددھ پانڈا بھرنا
شام پئی بن شام محمد تے گھر جاندی نے ڈرنا
دلبر مینوں منہ نہ لاندا تے عشق پسند نہ کردا
کھوں پئی سب کیتی کتری تے سکہ بنیا ذر دا
یار کرے جد اپنا تینوں رکن ہور اشنایاں
ماں پیو سجن یاد نہ رہسن حرص نہ پینا بھائیاں
نیچاں دی اشنائی کولوں تے فیض کسے نئی پایا
ککر تے انگور چڑھایا ہر گچھا زخمایا
Awal Hamd Sana Elahi Te Jo Malik Har Har Da Poetry - Urdu poetry is filled with so many emotions and insights. Just like this couplet of Mian Muhammad Bakhsh poetry in which says Awal Hamd Sana Elahi Te Jo Malik Har Har Da. You will find 2 lines and ghazals in image & text form on Mian Muhammad Bakhsh shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.