Baja Ke Aankh Mein Neendon Ke Silsile Bhi Nahi

Baja Ke Aankh Mein Neendon Ke Silsile Bhi Nahi
Shikast-e-Khuwab Ke Ab Mujh Mein Honslay Bhi Nahi

Nahi Nahi ! Ye Khabar Dushmanon Ne Di Hogi
Wo Aaye, Aa Ke Chalay Bhi Gaye ! Milay Bhi Nahi

Ye Kon Loog Andheron Ki Baat Kartay Hain ?
Abhi To Chaand Teri Yaad Ke Dhalay Bhi Nahi

Abhi Se Mere Raffugar Ke Haath Thaknay Lagay
Abhi To Chaak Mere Zakham Ke Silay Bhi Nahi

Khafa Agarche Hamesha Howay Magar Ab Ke
Wo Barhami Hai Ke Hum Se Unhain Gilay Bhi Nahi