Darya Ki Rawani Vahi Dashat Bhi Vahi Hai

Darya Ki Rawani Vahi Dashat Bhi Vahi Hai
Aur Dubtay Lamhat Ki Surat Bhi Vahi Hai

Alfaz Bhi Likhe Hain Vahi Nok E Qalam Ne
Auraq Pe Phaili Hui Ranga Bhi Vahi Hai

Kyun Us Ka Sarapa Na Hua Naqsh Ba Divar
Jab Me Bhi Vahi Hon Meri Herat Bhi Vahi Hai

Kyun Baraf Si Parti Hai Kahi Shahr E Darun Par
Jab Mazdha E Khurshid Me Hiddat Bhi Vahi Hai

Raaste Me Meri Jang Bhi Jari Hai Ab Tak
Aur Paanv Tale Zakham Ki Vashat Bhi Vahi Hai

Ta Umr Nigahon Kai Lie Ek Sa Manzar
Saae Ki Tarha Saae Ki Qimat Bhi Vahi Hai