Din Salike Se Uga Raat Thikane Se Rahi

Din Salike Se Uga Raat Thikane Se Rahi

dosti apni bhi kuchh rose zamane se rahi

chand lamhon ko hi banti hain musavir ankhen

zindagi roz to tasvir banane se rahi

is andhere men to thokar hi ujala degi

raat jangal men koi shama jalane se rahi

fasla chand bana deta hai har patthar ko

door ki raushni nazdik to ane se rahi

shahr men sab ko kahan milti hai rone ki jagah

apni izzat bhi yahan hansne hansane se rahi