Do Chaar Gam Rah Ko Hamwar Dekhna

Do Chaar Gam Rah Ko Hamwar Dekhna

phir har qadam pe ik nai divar dekhna

ankhon ki raushni se hai har sang aina

har aaine men khud ko gunahgar dekhna

har admi men hote hain das biis admi

jis ko bhi dekhna ho kai baar dekhna

maidan ki haar jiit to qismat ki baat hai

tuti hai kis ke haath men talvar dekhna

dariya ke is kinare sitare bhi phul bhi

dariya chadha hua ho to us paar dekhna

achchhi nahin hai shahr ke raston se dosti

angan men phail jaae na bazar dekhna