Do Rangi Chor De Yak Rang Hoja

Do Rangi Chor De Yak Rang Hoja
sarapa mom ho ya sang ho ja

tujhe jyun ghuncha gar hai dard ki bu
lahu ka ghoont pi dil tang ho ja

kaha kis tarah dil ne tujh kun ai gham
ki dil ki aarsi par zang ho ja

yahi aahon ke taron mein sada hai
ki bar e gham sin KHam jyun chang ho ja

dua hai ai rah e gham tul e umr ka
qadam par hai to sau farsang ho ja

gale mein Dal ruswai ki alfi
alif khinch aah ka be-nang ho ja

birah ki aag mein sabit-qadam chal
siraj ab shama ka ham-rang ho ja