DoobTe Ko Tinkay Ka Sahara

DoobTe Ko Tinkay Ka Sahara Chahye
Shadi K Liay Behnon Ka Ek Ishara Chahye
 
Hazar Nuks Nikalti Hain Larki K Chahre Main
Koi Pooche To Un Se Kia Sitara Chahye

Chaar Shararon Se Baat Nahi Banne Wali
Saath Main To Un Ko Ek Khatara Chahye
 
Behno! Karo Khayal Kam Hogaye Hain Baal
Warna Kahen Ge Woh Larka Hamen Karara Chahye

Kitni Bar Kaha Baaji Larki Hai Yehi Behter
Mujhay Bhi To Aakhir Gunahon Ka Kuffara Chahye

Tum Bhi Sunlo Larki Walon Yeh Daastaaan
Phir Na Kehna Hamen Interview Doobara Chahye

Ab To Reh Guzar Main Aakay Par Gaya Hoon
Le Jao Jis Ko Bhi Yeh Baaboo Bichara Chahye

Kion Dikhayi Larki Walon Ki Itni Sharafat Jawed
Woh Kehte Hain Hamen Larka Thora Aawara Chahye