Dua Salam Mein Lipte Zarurat Mange

Dua Salam Mein Lipte Zarurat Mange
qadam qadam pe ye basti tijaraten mange

kahan har ek ko aati hai raas barbadi
nae safar ki masafat zihanaten mange

chamakte kapde mahakta khulus pukhta makan
har ek bazm men izzat hifazaten mange

koi dhamaka koi chikh koi hangama
lahu badan ka lahu ki shabahaten mange

koi na ho mire tere ilawa basti men
kabhi kabhi yahi jazba riqabaten mange