Girja Mein Mandiron Mein Azanon Mein Bat Gaya

Girja Mein Mandiron Mein Azanon Mein Bat Gaya
hote hi subh aadmi khanon men bat gaya

ik ishq naam ka jo parinda khala men tha
utra jo shahr men to dukanon men bat gaya

pahle talasha khet phir dariya ki khoj ki
baaqi ka waqt gehun ke danon men bat gaya

jab tak tha asman men suraj sabhi ka tha
phir yun hua vo chand makanon men bat gaya

hain taak men shikari nishana hain bastiyan
alam tamam chand machanon men bat gaya

khabron ne ki musavvari khabren ghazal banin
zinda lahu to tiir kamanon men bat gaya